કલેકટર

રાજ્ય સરકાર બોમ્બે લેન્ડ રેવન્યુ કોડ, 1879 ની કલમ 8 હેઠળ કલેકટરની નિમણૂંક કરે છે. વિભાગીય કમિશ્નર ભૂતપૂર્વ બોમ્બે રાજ્ય દરમિયાન જમીન મહેસૂલ કોડની અમલીકરણ અને દેખરેખ સંભાળતા હતા. 15 મી ઓગસ્ટ, 1950 થી વિભાગીય કમિશનરનું પદ નાબૂદ કરવામાં આવ્યું હતું અને જમીન મહેસૂલ કોડ અને અન્ય કૃત્યોની સત્તાઓ સરકાર દ્વારા કલેક્ટરને સોંપવામાં આવી હતી અને સાથે જ જિલ્લામાં વિવિધ કાયદાઓની જોગવાઇઓના અમલીકરણ માટે કલેક્ટરને જવાબદાર ઠેરવવામાં આવ્યા હતા.

દિવસે દિવસે કલેક્ટરનું કામ વધ્યું છે કારણ કે, તે સરકાર અને લોકો વચ્ચે એક મહત્વપૂર્ણ કડી છે. તેમણે જિલ્લા સ્તરે રાજ્ય સરકારના પ્રતિનિધિ તરીકે સૌથી મહત્વની ફરજો બજવવાની હોય છે અને જિલ્લાના ચીફ કો-કોઓર્ડિનેટરની ભૂમિકા ભજવવાની છે. વહીવટ આજે વધુ નાગરિક કેન્દ્રિત અને ઝડપી બન્યો છે. જીલ્લા વહીવટીતંત્રથી નાગરિકોની અપેક્ષાઓ પૂરી કરવા માટે, માહિતી અને સંચાર તકનીકીના મહત્તમ ઉપયોગથી વહીવટીતંત્રને વધુ સરળ, કાર્યક્ષમ, પારદર્શક અને નાગરિક મૈત્રીપૂર્ણ બનાવવા માટે પ્રયત્નો કરવા જોઇએ.

સરનામું: કલેક્ટર કચેરી, જિલ્લા સેવા સદન, કલેક્ટર, સુરેન્દ્રનગર – 363001

ફોન: +91 2752 282200

ફેક્સ: +91 2752 283862

ઇ-મેઇલ: collector-srn[at]gujarat[dot]gov[dot]in